搜查線：廚師腸現斷貨潮 　茶餐廳：依家都係靠存貨

「廚師牌雞肉腸」在香港銷售多年，早已成為許多香港人至愛的腸仔品牌，其生廠商申請破產，並透露會於明年1月19日結業，不少人都大感惋惜，更在社交網站慨嘆道：「大家可能以後再食唔到廚師腸啦！」雖然有人聲稱要「囤貨」，不過原來不少凍肉舖已斷貨多日，茶餐廳亦僅靠存貨，預計一兩日內便冇貨供應。

據了解，近日「廚師腸」都未有供貨，令市面出現斷貨潮。市民Jason同阿May今日(26日)行了多間凍肉舖搜羅「廚師腸」，但都買不到，「起碼食咗30年，我頭先去街市搵...搵咗幾檔都冇。」剛在凍肉舖購物的黃小姐亦是「廚師腸」忠實粉絲，知道可能要停產時，直言感到失望，「日日都差唔多會食，煮麵都會落幾條。」

凍肉舖員工燕姐曾以為近日缺貨只是因為中美貿易戰影響，她對「廚師腸」生廠商破產的消息亦是感到難以置信，「有啲可惜囉。」

「我哋仲有存貨，用緊啲存貨，都差唔多冇啦！」做了10多年茶餐廳的嬌姐不捨地說道：「自從做茶餐廳以來，都用呢隻腸。」她指之前在其他茶餐廳工作時，一轉其他品牌的腸仔，客人都會立刻知道並追問原因。而自己本身亦是「廚師腸」忠實粉絲：「自己本身一路都食開，唔食其他牌子。」

「我話有冇可能啊？一定係流嘢！」在大埔經營20多年燒烤場的麥師傅聽到有關消息時，第一反應都是「冇可能」，並感慨到：「如果停產，真係非常可惜。」麥師傅更打趣說，「如果我有錢，都會想接手生產」。

麥師傅十分感慨地說到：「我做燒烤場成20幾年，係佢最受歡迎，如果轉另外一個牌子，啲客即時問我：『麥師傅，點解冇廚師腸嘅？點解唔同嘅？』」近日出現缺貨，更有熟客要求訂貨，不過他亦難保是否有貨可供。