每日一片：剷上行人路嚇親學生妹　正義車長怒斥無品男

馬路上目擊駕駛者違規，雖然很多人都會「睇唔過眼」，但只會選擇拍片放上網公審，惟今日有正義巴士車長選擇挺身而出。事緣一名私家車司機懶理有女學生在場，剷上行人路停泊，駕駛巴士目睹事件的車長不值其所為，停車指摘，惟無品司機竟囂張反駁：「依家隊到佢咩？」

片段今日(27日)在網上瘋傳，據巴士車廂內車Cam拍到的片段所見，事發為晚上時段，巴士沿香港仔田灣海傍道行駛，駛至近華貴邨巴士總站前，前面一架私家車突然剷上行人路，兩名正等候過馬路的女學生被嚇得走出馬路閃避，最後私家車停在只與女學生相距約兩個身位的位置，情況驚險。

目睹事件經過的車長見狀，在私家車旁停車，開啟車門出言指摘對方：「人哋企喺度你隊埋去，你無嘢呀？」不過司機態度囂張回應：「依家隊到佢咩？」車長說：「咁你係咪嚇到佢哋？學生妹你都蝦，都唔知係咪男人嚟！」面對車長的指摘，司機更加憤怒：「我喺度等人，做乜X嘢！」最後車長揚言會向1823舉報，片段結束前，更聽到司機連環爆粗狂鬧車長。

網民看過片段後，都大讚車長有正義感，「巴士司機要大讚，呢啲人真係大地任我行， 你剷上去都算，仲逼到兩個學生要避你」、「仲要咁惡鬧番你，一定唔可以放過佢！」、「個巴士司機好有型」。