角色調轉!騙徒呃錢變畀錢 網友反將一軍!律師:可能犯法

20181128
東網電視
更多新聞短片
邊個先係騙徒?
騙徒詐財的手法層出不窮,收到可疑的親友訊息都要打醒十二分精神。近日有醒目的網民識穿電話騙案,甚至反從騙徒身上「賺取」金錢,到底怎做到?
網民李先生於上星期五(23日)在個人社交網站上講述事件,指有日收到朋友短訊︰「我阿媽入咗醫院,我真係冇晒辦法,我想問你借3000蚊」,更表示事後會連本帶利歸還。
醒目的李先生即時識破騙局,但他決心要施加「教訓」。他先假裝相信騙徒說法,不斷關心「姑母」的病情,其後訛稱自己戶口僅得2870港元,要求騙徒先匯130元到戶口,以便他能匯入3000元正給騙徒。騙徒信以為真,存入款項。
李先生笑言︰「我成日都覺得自己有做老千嘅天分…為免佢起疑心,數目一定唔可以太多,仲要係一個好合理嘅行為!點知佢真係中計」。
最後他向騙徒道明真相,並表示已報警備案︰「希望你唔係去銀行櫃枱入畀我啦…就算入錢機(ATM)都有CCTV㗎」。
網友大讚李先生︰「做得好,師兄你好勁」、「好正呀!笑爆嘴」,亦有人提出一個哲學問題:「究竟邊個先係騙徒」。
而執業大律師陸偉雄就表示,李先生的行為有機會觸犯行騙罪,「喺法律上,邊個呃佢先唔係最重要,你係受害人係一回事,但你唔能夠因為自己受害,就搵人陪你一齊受害」。陸偉雄指,若事主主動將該筆款項交還警察,則不屬犯法。
根據《盜竊罪條例》第17條,任何人以欺騙手法,而不誠實地取得屬於另一人的財產,意圖永久地剝奪該另一人的財產,即屬犯罪,循公訴程序定罪後,可處監禁10年。
---------------
《港呢啲》:大事小事騎呢事,東網嚴謹選題,輕鬆製作!