每日一片：酒樓飲茶被指歎足5粒鐘？　職員發火趕客

到酒樓歎一盅兩件是香港人的日常，但如果歎得耐，原來都會惹人不滿。有市民指稱昨日（28日）在旺角一間酒樓飲茶時，被一名男職員指她坐得太久，要求她結帳離開，雙方因此引發口角，女事主形容對方態度極惡劣，但酒樓方面則反駁，因要計算早市收入，因此要求對方先行埋單，並非刻意針對。

由女事主所拍攝的片段所見，當時衝突已發生，該名男職員明知對着鏡頭，依然「勇者無懼」，力指女事主的不是，更向周圍的茶客大聲說：「你哋認一認，呢啲客坐咗5個鐘頭，唔知做乜嘢...坐5、6個鐘頭仲問我咩事？」女事主在鏡頭外反駁說，「我哋坐喺度根本冇騷擾到你，你唔應該咁嘅態度對我哋」。期間男職員拿出手機反拍，更語帶挑釁說：「影我冇問題，鬥影囉...你驚咩呢？你咁驚做咩喎！」

女事主吳小姐向東網堅稱，她並未如職員所說坐足5個鐘，當日早上10時許與丈夫到旺角海富苑一間酒樓品茗，「諗住食少少嘢，傾吓偈再嗌過，嗰個男職員喺我哋枱邊一直徘徊。到大約1點幾，我再剔點心紙時，佢就話係早市時段，要我哋先埋單。」

她指自己是該酒樓的常客，多年來未遇過分段結帳，「佢（涉事男職員）都做咗一段時間，佢話自己（職位）最大，係跟公司內部指引做事。」雙方因此發生爭執，吳更報警，警方到場了解後，建議她到消費者委員會投訴。而她亦揚言：「以後唔幫襯！」

東網向有關酒樓了解，負責人陳經理解釋，事主由早上9時坐至下午2時，合共5小時，「同事叫佢埋咗單先，因為同事要截數，佢hold住晒啲單」。他強調，所有職員都是跟公司內部指引工作。