大媽衝紅燈　行吓又停吓　三車急煞終相撞

紅燈停，綠燈走，交通規則要遵守。近日旺角有大媽衝紅燈過馬路，嚇得一眾車輛急煞停車，卻慘釀三車相撞意外。

據Facebook群組「的士司機資訊網 Taxi」的片段顯示，不少車輛正沿洗衣街左轉往亞皆老街方向，惟馬路中心的行人過路處中，有大媽突然覷準車輛駛過的空隙，嘗試橫過馬路。

一輛白色私家車見狀，即時急煞，雖然後方的Van仔及時停車，惟最後方的貨車疑收掣不及，撞向前車，最終一層推一層下，三車同告「受傷」。

網民紛紛指責大媽：「亂過馬路，捉佢出嚟打」，亦有人指事件與大媽無關：「貨車跟車太貼，有冇女人過馬路都無關」、「貨車死硬」。

---------------

《港呢啲》：大事小事騎呢事，東網嚴謹選題，輕鬆製作！