政Whats噏︰曾健超被放生 當選社工註冊局成員

20181201
東網電視
更多新聞短片
曾健超參加社工註冊局成員選舉,最終當選。
喺違法佔領行動期間,前公民黨成員曾健超涉襲警及拒捕,被法院定罪並判監5星期。社會工作者註冊局雖接獲投訴,指佢違反專業操守,要求釘牌,惟最終被「放生」。近日佢與民主派組成參選名單,參加社工註冊局成員選舉,結果佢以2230票順利當選。
註冊局選舉於上月8日至今日(1日)舉行,共有23名候選人,一共收到5461張選票。取得2890票嘅現任主席倫智偉以最高票連任,曾健超得票則只排第6。其餘當選嘅候選人包括丁惠芳、梁傳孫、陳芷瑋、伍銳明、郭毅權及張麗怡,8人均同屬民主派。
而今次參選嘅仲有已經係註冊社工嘅前學民思潮核心成員黎汶洛,但就以772票落敗。佢話,會以謙卑態度檢視今次選舉策劃,但亦呼籲各界監察註冊局工作。佢亦會履行選舉時承諾,向當選者提出有關實習社工津貼嘅建議,保障實習社工待遇喎。