政Whats噏:黃之鋒邀西方干預 趁G20關注香港

20181201
東網電視
更多新聞短片
黃之鋒撰文邀西方社會干預香港。
官司纏身嘅香港眾志秘書長黃之鋒於兩個多月前向法官申請離港被拒,無得喺外國「唱衰香港」,惟有透過於報章撰文邀請外部勢力干預香港。黃之鋒尋日(11月30日)於美國《華盛頓郵報》撰文,以為何西方社會要在二十國集團峰會(G20)關注香港困局為題,稱過去兩年多時間,先有同佢同屬眾志嘅羅冠聰被取消立法會議員資格,而於今年初,眾志前常委周庭被拒參加立法會補選,再加上「政治檢控成為新常態」,舉例指早前因旺暴案被判囚6年嘅本土民主前線前發言人梁天琦。
黃之鋒稱,香港傳統上係中國同世界之間嘅重要橋樑,而香港嘅成功有賴於法治、自由等,佢聲言中國嘅銳實力多方面影響香港,其目的係透過經濟,而非人權等共同價值建立新嘅國際秩序,而適逢阿根廷舉行G20,外界可趁此機會去發聲,關注包括香港在內嘅情況。
翻查資料顯示,黃之鋒每隔一段時間就會撰文主動邀請外部勢力介入關注香港,上次係10月中,時任外國記者會副主席馬凱不獲港府續發工作簽證後,黃於《時代》雜誌撰文形容係「大事件」,批評事件令香港言論自由受損,呼籲英美政府施壓介入。