政Whats噏：三耳局長蒙眼行　真用心看世界？

正所謂「眼盲心不盲」，盲人雖然不能用肉眼去看世界，卻以心去體會身邊的一切。政制及內地事務局局長聶德權今早(2日)出席活動時被蒙上雙眼，以感受視障人士生活，唔知自稱「三耳局長」嘅佢，「聽」到嘅世界又係點樣㗎呢？

心光盲人院暨學校今日舉行第三屆嘅「心光傲行」活動，有約550人參加，合共籌得超過50萬港元善款。聶德權致詞時，勉勵大家喺遇到困難、挑戰同障礙時，要以正面態度同積極人生觀發揮所長去面對。而到蒙眼行時，聶看似仍有擔心怕叉錯腳咁，捉到領行員隻手實一實啊。