打燈有咩用？篤油司機貼邊硬攝　逼退切線車

在馬路上切線，全靠司機相讓。但近日有司機在鄰線車輛切線時，疑故意大力踩油直去，即使只剩下半條車道亦要強行駛過，惹來網民怒斥︰「最強篤油哥」。

片段於星期二（4日）上載至Facebook群組「馬路的事討論區」，一輛私家車在觀塘繞道近德朗邨行駛，打起燈號欲切往左線離開，誰知當他半個車身已入線時，後車竟視若無睹，更踩油貼邊硬攝，私家車即時扭軚退回原位。

私家車經此一「敗」後並不氣餒，再次駛前試圖切線，但後車不讓分毫，最終私家車「妥協」，尾隨行駛離去。

不少網友責備左線司機：「使唔使咁呀？畀條路人行吓喇」、「讓一讓使死」、「打指揮燈都冇用啦」，亦有人勸私家車謂：「人哋唔畀你行前面，你咪行後面」。

---------------

《港呢啲》：大事小事騎呢事，東網嚴謹選題，輕鬆製作！