網民熱話：的士車頂載貨 網民：撈埋做貨車？
20181205
東網電視
更多新聞短片
一架的士將貨物綁在車頂上，令不少客貨車司機大為憤怒。(Facebook專頁「馬路的事討論區」影片截圖)
的士載客、客貨車載貨是常識，不過原來的士車頂都可以利用。近日有網民上載一段在隧道中遇上載貨的士的片段，片中的士將貨物放在車頂行駛，令相信為客貨車司機的片主大感憤怒狂爆粗。
網民Kin Chung Leung今日(5日)上傳一段片段到網上，片中一架車頂上載滿貨物的的士已駛入隧道，在隔籬行車線疑似駕駛客貨車的網民則以手機拍攝過程，並在片段中旁述，期間夾雜大量粗口，「客貨分家喎，成車都係貨，成車都係花，X你老X...擺X埋車頂添，你哋啲的士X，講X晒啦！」
雖然片段粗口橫飛，不過似乎引起不少客貨車行家共鳴：「你玩哂啦！」、「的士同Van仔對決，的士成日話Van仔載客取酬，要客貨分明，但係的士成日都載貨，成日自相矛盾，神又係佢鬼又係佢！」亦有人諷刺說：「咪客貨分咗囉，個客唔係同啲貨一齊坐咪當分咗囉，下次可能係個客坐車頂，啲貨坐入面。」
網民有話說
Eric Wong：唔係佢哋話要客貨分家咩?
KaMan Ho Lam：人喺入面，貨喺出面，可能咁樣當分咗
蔡本田：嘩！！！你玩晒啦！平時睇啲客貨分家都冇咁着！
LingChi Wai：輸打贏要，習慣下啦
※緊貼網民熱話，掌握最熱話題，請關注網民熱話fb：