樹木何罪？簡體大字鬧內地人　塗鴉者自打嘴巴

保護大自然，人人有責。近日有人疑在郊野公園的樹木上「練大字」，還反罵內地人衰格，無公德心，惹來網民批評︰「自己冇公德，笑人冇公德」。

有網友於星期二（4日）將照片上載至Facebook群組「香港行山遠足之友（吹水山谷）」，一棵聳立的大樹被人破壞塗鴉，以黑色記號筆在樹幹寫上簡體大字︰「大陆人衰格，无公德心（大陸人衰格，無公德心）」。其字迹潦草，疑為同一人所為。

不少網友指責塗鴉者：「人格有問題？」、「你有公德就唔好亂咁寫啦，簡直缺德」，又指：「棵樹唔識分你係乜人，淨係知道你係衰人」。

---------------

《港呢啲》：大事小事騎呢事，東網嚴謹選題，輕鬆製作！