華富邨雙屍案:單位早2日有人嘈交 鄰居「好大聲」

2018年12月06日 13:23
東網電視
更多新聞短片
女鄰居指,平日只見涉事男戶主出入單位。(趙瑞麟攝)

香港仔華富邨昨晚(5日)揭發夫婦雙屍命案,姓袁(64歲)疑因公屋戶籍問題,與姓衛(63歲)分居妻子發生爭執,之後疑因此動殺機。同層街坊得悉消息後,均大表震驚,其中住在毗鄰的劉太稱,早2日的日間,聽到涉事單位傳出一男一女的嘈吵聲,形容:「嘈得好大聲呀,我閂埋門睇緊電視都聽到,嘈咩就唔知,無特登去聽,又冇出去睇,嘈咗大概半個鐘啦」,她又指自己住在上址逾40年,而涉事住戶則是約10年前搬入,平日出入甚少打招呼,不熟悉對方。

另一名住了48年的女鄰居指,平日只見涉事單位有男戶主出入,稱:「開頭搬入嚟都有打吓招呼,個男人好好會周圍幫人,都幾隨和」,她又指昨晚9時許已上床睡覺,直至警員拍門通知,始知鄰居發生意外。

而另一名女鄰居稱:「佢哋嗰家人住咗大約10年,初時成日打開門,有電視聲有人聲,聽落都幾開心,但近年就好靜,唔見有人出入,好耐都唔見佢啲仔女嚟,以為佢哋出晒去做嘢」。她又稱知道袁男在樓下做保安員,有時落街迎面見到,都會點頭打招呼。