舉手機又講又撳 直巴司機單手揸車嚇親市民

2018年12月06日 17:33
東網電視
更多新聞短片
直巴司機單手揸車,另一隻手拿着手機通話。(張先生提供)

造成6死30多傷的青衣長青公路交通意外,引起公眾對旅遊巴安全的關注。市民張先生向東網指,事件令他回憶起上月的恐怖經歷,11月18日早上8時許,他在灣仔登上一架直通巴士前往深圳灣口岸,途中發現司機只用單手揸軚,另一隻手竟然拿着手機通話,不時望向手機屏幕,明顯沒有專心駕駛。他不值司機所為,於是拍下短片作為「罪證」,上星期向直巴公司投訴,但一直未獲回覆,認為有必要公開事件,提醒所有司機駕駛時要注意安全。

根據張先生提供的片段,可見直巴男司機一直只用左手控制軚盤,另一隻手拿着手機。他先是按動手機畫面並湊近耳朵,聽取話音短訊,聽完便按着手機錄音回覆,之後不時低頭望向手機留意是否再有回覆,直至獲對方回覆,又再錄音回應。

張先生指,司機其實在途中一直有講手機,拍短片時直巴已駛至屯門的快速公路,車速甚高,令他十分擔心。他認為,近日政府及旅遊巴業界不斷討論在車上加裝安全帶,但其實車禍中司機的駕駛態度往往才是主要肇因,「有安全帶啲乘客都未必戴,但啲司機咁樣揸車,就真係危險!依家有一小撮唔守規矩嘅人,係咪應該要剔除佢?」