政Whats噏：張超雄阻抗戰勝利紀念日列法定假

早前有立法會議員建議將「孔聖誕日」訂為公眾假期，而勞工界立法會議員潘兆平提出無立法效力嘅議員議案，促請政府檢討假期政策，建議增設一日法定假期。不過工黨立法會議員張超雄就提出修正案，仲將議案改頭換面，將原本潘提出嘅一日刪除，改為5日現時不屬法定假期嘅公眾假期。

潘兆平提出的議案，係希望政府可以將「中國人民抗日戰爭勝利紀念日」列為法定假期。而張超雄提出嘅修正案，就將中國人民抗日戰爭勝利紀念日刪除，改為「5天不屬法定假日的公眾假期，即耶穌受難節翌日、復活節星期一、佛誕及聖誕後第一個周日」，相關議案預計喺明年1月9日嘅會議上辯論。

眾所周知，依家香港每年嘅公眾假期有17日，而俗稱「勞工假」嘅法定假期只有12日，而少咗嗰5日正正就係張超雄喺修正案提出嗰5日。過去唔少勞工團體都會透過遊行請願，希望政府可以將兩個假期睇齊，劃一做17日，不過政府咁多年嚟都冇反應，唔知今次有議員將修正案改頭換面咁出，政府又會點呢？