兒時形影不離 長大分散成遺憾 fb尋人變成咁…

2018年12月07日 13:49
東網電視
更多新聞短片
估唔到咁快就可以搵得番!

兒時的友誼,因着長大分散,未必能維持到老。有女生因想念分散約30年的幼稚園玩伴,在社交平台發起尋人,最後在網民的熱心下,極速尋回對方!

事主上載了一張兒時4人合照到Facebook群組「Tai Po 大埔」,照片中4名小女孩身穿校服,站在幼稚園的聖誕樹前並排合照,笑容靦腆。她表示當年就讀大埔綠葉中英文幼稚園,與一名姓徐的女孩是好朋友︰「每逢睇番啲相,全部都係拖住你隻手」。

她透露,當年幼稚園畢業後搬離大埔,雖然曾在酒樓巧遇對方,但因當時正被父親責備,無地自容下逃離現場。「我聽到你一直叫住我嗰名,呢個係我呢20幾年嚟嘅遺憾。一直想搵你好多年,你認唔認得我都好,希望你知道,我掛住你」。

事件吸引網民注意,不斷留言「推post」,最終在10小時後,事主兒時的玩伴現身,感動留言︰「I am here(我在此)!」又向各位熱心的網民致謝。

不少網民大受感動,紛紛留言祝賀事主︰「恭喜樓主可以重逢」、「終於搵番,恭喜兩位」、「好感動喔」。
---------------
《港呢啲》:大事小事騎呢事,東網嚴謹選題,輕鬆製作!