北角大車禍：目擊者指保母車係咁衝　「拖住嗰女人幾個街口！」

保母車北角無人駕駛衝落斜路，釀成多人傷亡。事發附近洗衣舖姓陳女職員表示，當時街道聚集不少人，「啲人喺度揀嘢買嘢」，突然聽到「嘭」一聲巨響，遠望發現大概有3人被捲入車底淌血，完全無反應，陳稱幸好當時不是放學時間，未有學生受牽連，「當時唔敢出去，好驚」，事後她感到非常內疚，「真喺唔好意思，冇出去幫手」！

而附近水電維修店舖姓蔡負責人則稱，在上址營業約20年，首次發生嚴重交通意外，他憶述當時情況指，他站在店舖外，「突然有黃色影閃過，自然反應向後退」，同時間，校車就衝落來，他驚呼：「如果八卦小小就冇了!」。蔡續稱，「呢度不嬲多人，大多係師奶，買毛巾等雜物」。經過此事後，他坦言是上天保佑，「媽咪話要還神，都要照做」。另附近膠片店負責人簡先生便稱，「見到架車咗邊拖住個女人，拖佐幾個街口，衝過英皇道!」

另外，一名在附近鞋店工作的陳先生則指，事發時剛走出店舖擬去洗手間，當走到路口前5至6步時，保母車便突然衝向行人路，「佢係咁衝，無響號，撞低咗幾個人，個度有啲舖頭，有個係度揀緊嘢嘅，就俾車撞低！我都唔敢行近！」陳指，該輛保母車上無學生，又坦言「好好彩，我行前幾步分分鐘就會被撞！」

另有在現場附近店舖工作的職員表示，當時目擊保母車「高速行駛冇收掣咁衝埋落嚟！」而事發現場是後巷，當時有不少長者在該處擺地攤，「見到有車衝落嚟，想即刻執嘢走」，惟最終走避不及遭撼低。目擊者稱，見住個婆婆瞓低，「好心噏」！

另外，王小姐事發時正乘搭電車經過現場，她稱當時突然聽到「嘭」一聲巨響，轉頭一看，便見到保母車剷上行人路，「好多人係度嗌，有唔少人畀車撞倒，有啲好似傷得好重！」現場一片混亂。王又稱，自己是第一次目擊類似車禍，形容「好恐怖！」希望傷者可以大步檻過。