政Whats噏︰不滿被叫陳議員 馬逢國:「我姓馬!」

2018年12月10日 17:45
東網電視
更多新聞短片
馬逢國當了6年立法會議員,仍被叫錯名。

體育、演藝、文化及出版界嘅立法會議員馬逢國已經做咗6年幾議員,點知今日(10日)仲有政府官員叫錯佢個名,搞到佢一臉不滿咁要「提醒」對方佢姓馬,場面既尷尬又好笑,究竟係邊個高官咁甩轆?咪就係今年7月先上任嘅政府資訊科技總監林偉喬囉,佢即時耍冧話︰「對唔住,馬議員!」

立法會資訊科技及廣播事務委員會今日下午討論開放數據政策,馬逢國緊接金融服務界立法會議員張華峰提問,指政府要求轄下部門開放數據時,有否徵求公眾及業界的意見及有否提供平台讓私人機構一同開放數據。林偉喬解答個陣,唔知點解叫咗馬逢國做「陳議員」,搞到馬逢國係佢答完後一臉不滿咁話︰「更正一下,我姓馬嘅!」

事有湊巧,原來緊接馬逢國提問嘅議員係金融界嘅議員陳振英,唔知林偉喬係心急得滯,抑或係新官上場太過緊張,先搞出今次蝦碌認錯議員嘅事件。