網民熱話：現金遺櫃員機被偷走　大懵男勸賊仔回頭是岸

過去曾有人因取走別人遺留在櫃員機的金錢而惹上官非，不過依然有人以身試法。日前一名大懵男在自動櫃員機提款5000港元後，一時大意忘記取錢，事後銀行翻查閉路電視，證實該筆現金已遭人取走。事主隨即在社交群組上發文，自行「通緝」疑犯，並勸諫對方回頭是岸，只要盡快交回現金，保證永不追究。

事發於上周三(5日)下午約6時，事主Mixx在慈雲山中心一間銀行櫃員機提取5000港元後，因一時大意，「拎卡冇拎錢」便離開。他約2分鐘後發現已立即折返，惟已不見該筆現金。他詢問在場人士，「話有個男人攞錢走，但唔清楚佢有冇入卡。」今日（11日）事主收到銀行回覆，指已翻查CCTV紀錄，「證實畀人攞走咗」。事主聲稱「過兩日收到信就去黃大仙警局報案，銀行會交CCTV畀警方」。

不過，事主在貼文中語重心長說：「5000蚊，唔夠你使一世，但當我去報警，你就是盜竊罪，刑事訴訟，你就留案底一世。」他又指，只要對方交還現金，保證永不追究。

不少網民留言指事主很好人，希望順手牽羊者交回現金，不過亦有人認為，涉事者「畀人捉到都唔抵可憐」、「或者本身攞你錢嘅人有案底，再坐有咩所謂」。也有網民認為事主亦要負很大責任：「偷錢嗰個固然唔可以原諒，但事主自己都要負好大責任。「點解大嗱嗱5000蚊撳咗出嚟都可以唔記得攞！」

網民有話說

Teddy CW Tsang：刑事案件冇得私下解決，小心妨礙司法公正。

Jeff Ko：又CCTV又有天眼...要搵你都好容易，為了5000蚊留案底值得嗎？樓主畀機會你好快快找樓主歸還啦！

Keith Fok：回頭是岸，人哋一片苦心。

※緊貼網民熱話，掌握最熱話題，請關注網民熱話fb：