中港車打橫行　剷安全島掉頭　途人嚇到呆

20181212
  • 東網電視
    更多新聞短片
    咁樣掉頭真係好危險！
    行人即使跟足交通燈號過路，都要打醒精神注意路況，因為隨時遇到亂來的司機。近日灣仔有中港車為求掉頭，就上演了一幕「大地任我行」。
    從Facebook群組「香港交通突發報料區」的片段可見，星期一（10日）下午4時許，一輛中港車在灣仔軒尼詩道近史釗域道燈位的路旁轉出，打橫連切兩線，駛到右線「埋定靚位」。
    當行車燈號由綠轉黃，中港車即駛出行人過路處，右轉上安全島掉頭。當時安全島尚有途人正等待過路，顯得十分吃驚，有女士立即拉開孩子避過車輛。
    發貼者表示，事後已到附近警署報案，並引述警員當時的話︰「夠晒料，交通部見啦」。
    不少網民批評中港車為馬路炸彈，怒斥：「好離譜」、「呢啲肯定係明知故犯」、「咁誇張…仲要有人等緊過馬路」、「佢以為自己喺大陸揸緊車，罔顧生死」。
    ---------------
    《港呢啲》：大事小事騎呢事，東網嚴謹選題，輕鬆製作！