醉駕波子撞入咖啡店　東主夫婦：心血無晒

皇后大道中今早(13日)發生車禍，一輛波子跑車衝入咖啡店。該咖啡店姓鄧店東夫婦，早上9時許，返回店舖善後，二人眼見店舖一片狼藉，感到十分無奈，店舖仍未能營業，損失慘重。

據男店東表示，店舖開業十多年，期間店外即使有交通意外發生，但都僅限於撞毀行人路欄杆及交通燈，從未試過衝入舖內。女店東則坦言：「心情好煩，希望快啲搞番掂。」而舖頭被車撞毀，十幾年「心血無晒」，又稱：「由零開始，由唔識做到識，做咗十幾年」，由於咖啡店損毀嚴重，玻璃櫥窗全部粉碎，牆身被撞裂、裝飾亦損毀，故「依家要執咁多，真係估唔到要幾錢」。

女店東稱，幸有不少人支持店舖，包括今晨業主曾到場慰問。她又指：「業主好好人，話有咩需要都可以搵佢，打畀佢商量吓，亦有熟客幫手搵做裝修嘅師傅」。但她仍擔心維修費用：「執少少都要幾十萬喇。」