政Whats噏:袁彌昌兄妹合體呃Like 網民呻唔夠喉

20181213
東網電視
更多新聞短片
袁彌昌(左)和袁彌明(右)兩兄妹合作拍片。(袁彌昌 fb)
前港姐、人民力量前主席袁彌明(Erica)近年淡出政圈,主力搞自己嘅美容王國生意,而佢阿哥袁彌昌(Derek)就做咗新民黨姑爺,娶咗立法會議員容海恩。兩兄妹多年嚟唔單止政見不同,更甚少喺公開場合同場,但為咗「呃Like」佢哋就合體拍片,呃咗唔少無知少男少女去睇片添!
話說Derek尋晚(12日)喺社交網站分享Erica公司一條短片,片頭就見到Derek好熟手咁敷眼膜,佢仲用手指喺塊膜上面「彈琴」。用完之後,Erica投以羨慕嘅眼光,話阿哥兩個眼袋都收緊晒,Derek就話「拍得住袁彌明」,點知妹妹一啲都唔畀面話「你就想」。
當以為睇落去會見到Derek實測試用眼膜嘅過程時,卻發現原來得片頭約10秒,搞到有網友留言話好失望,但亦有人大讚好正,形容係最期待嘅畫面出現了。此外,Derek老婆容海恩都第一時間Like條片,唔知Derek會唔會好識做,記得入貨畀佢試吓呢?