斗車廢料堆如山　撞正交警無得走　網民讚好

貨車顧名思義當然是載貨啦，但如果貨物堆到如山高，又有點兒誇張。近日有貨車大玩「層層疊」，即時引來警察關注。

片段於星期三（12日）上傳至Facebook群組「馬路的事討論區」，只見一輛斗車在公路上直行，惟仔細一看，有幾名交通警正指示斗車轉入路旁的停車場，斗車後方亦有閃着燈號的警車尾隨。

原來該斗車載有不少廢料，堆積的高度超過貨斗近一倍，行車時廢料搖搖欲墜，情況驚險。發貼者笑言︰「呢部真係幾唔爭氣嘅，X你呢位師兄成座山咁高，阿Sir好難唔捉你喎」。

不少網民認為斗車十分危險︰「嚴重超載喎，跌舊落嚟都唔掂」、「佢車速再快啲入彎，輕則冧落嚟，重則反車」、「呢啲真係馬路炸彈！隨時害死人。」又稱讚警方做得好。

根據《道路交通（交通管制）規例》，司機須確保負載物已適當地固定或盛載在該車輛上，而負載物的重量和其擺放的方法，均不可對任何人士造成危險。此外，車輛負載物的高度亦不可超過4.6米。如司機違反規例，首次定罪可處罰款5000港元及監禁3個月。

---------------

《港呢啲》：大事小事騎呢事，東網嚴謹選題，輕鬆製作！