你要知：脫髮男女走唔甩　鬚根多愛扯頭髮超高危

在「樣貌協會」當道的社會，你的頭髮如何，你的樣子也如何，所以很多人擔心甩頭髮影響儀容。近日天氣轉寒，有人說脫髮都有季節性，冬天更是高峰期，到底是否真有其事？自己又如何可以識別是否脫髮高危族？不如就由皮膚科專科醫生王夢貞話你知！

王夢貞指，從西醫角度，脫髮沒有季節性，反而換季會出現頭痕及多頭皮。脫髮屬都市病，普遍有脫髮問題人士都是因壓力大，影響頭髮生長周期。而香港有一種較常見的脫髮則是與家族遺傳有關的「雄性賀爾蒙脫髮」，其特徵包括是「M字額」及「地中海」；另外滿面鬚根及體毛過多人士，都容易成為脫髮族，這類脫髮暫未有藥物可根治，只能趁頭髮未完全變成絨毛時，及早求醫，延緩脫落速度。

切忌拉扯頭髮

有些人遇上壓力時，會扯頭髮減壓，其實有一種叫拉力式脫髮，例如女士紮頭髮扯得好「行」，就容易影響脫髮：「一條頭髮有2至6年壽命，如果紮頭髮長期扯向同一方向，生長周期就會縮短咗。」就算髮根、生長周期沒問題，若長時間拉扯，亦會出現脫髮。「見過小朋友一邊讀書，一邊扯頭髮，結果扯到啲頭髮光晒。」

女人會出現「休止期」脫髮

女人脫髮一般只是頭頂稀疏，最嚴重亦不會如男人般出現「地中海」，但女人會出現「休止期」脫落，例如經歷大病、手術及生育後，可能在數月後出現大量脫髮，但其實可以復原，王說：「當頭髮進入咗休止期，陀BB時甩少咗，生完就會甩返轉頭，由於毛囊冇受到破壞，將來亦生得番。」

洗頭太多會甩髮？

洗頭太頻密其實不會造成脫髮，反而如洗得太密後再吹頭，拉扯太多會造成脫髮，一日洗一次非常足夠。「吹頭時唔好拉住頭髮吹，直接吹乾就可」。染髮及漂頭時漂劑會接觸頭皮表面及頭髮，令頭皮出現敏感反應或發炎，但只要不影響髮根就不會出現脫落；另外亦有人使用鹽水或鹽粉令頭髮蓬鬆，不過這類產品一般具刺激性，屬脫髮高危產品。

脫髮原來有警號

每人平均擁有約10萬條頭髮，每日甩大概100條頭髮實屬正常。如發現洗頭後，脫落的頭髮比平時多，便是一個信號。

按摩頭皮可防脫髮？

頭髮雖然是身體皮膚其中部分，但並非十分重要。之所以壓力會影響甩髮，是因為當身體長期處於壓力情況下，血液循環欠佳，令髮根的營養相對減少。「按摩可增加血液流通，不過只係好短暫幫到，你唔會不停去按個頭。」