每日一片：貴蕉扮平蕉　鄉音阿姐超市拆袋偷龍轉鳳

師奶慳家招數層出不窮，最普遍是「格到盡」，不過有人卻採用另類手法。近日有網民在超級市場內，就發現一名中年婦人為求以便宜價買貴蕉，竟將貴價香蕉拆袋重新包裝扮平價貨，企圖瞞天過海。當被職員揭發時，更扮無知回應：「我唔知㗎！」

目擊網民Elaine Wong昨日(14日)在香港行山遠足之友(吹水山谷）發布一段片段及多張照片，並發文指，在超市行經蔬果區時，目擊一名女子正在拆膠袋，原來當時櫃內正展示兩款香蕉，一款每磅$4.6，另一款則要$18一包。「將$18一包蕉大模廝樣拆袋...袋入卷裝膠袋，扮係$4.6一磅蕉。」

「睇唔過眼」的目擊網民隨即向職員舉報，當該名女子排隊至收銀處時，即時被職員「踢爆」。根據片段所見，衣着光鮮，孭着手袋的女子正與職員對質，期間女職員拿起香蕉向女子指：「要照價買㗎，唔可以咁！」而該女子則以一口鄉音回應：「我唔知㗎！」女職員反駁及出言嘲諷：「唔知你又拆？你又咁聰明嘅！」

網民看過片段後，一面倒狠批該名女子行為，「扮晒嘢，博大霧...」「扮無知，乞人憎！！」不少網民更分享曾目擊內地人類似惡行，「見過佢哋喺超市倒洗頭水去自己帶嘅小瓶度！」「我喺XX都見過一個大媽拆其他盒裝提子放入自己買嗰盒度。」狠批之餘，不少人更盛讚目擊者舉報行為，「正義！做得好！」