政Whats噏:頭頭碰着黑 陳肇始花容失色

20181216
東網電視
更多新聞短片
近排頭頭碰着黑的陳肇始(中),今次又嚇親。(陳嘉順攝)
食物及衞生局局長陳肇始近排真係頭頭碰着黑,先有申訴專員公署日前嘅報告批評中藥條例監管不力,今日(16日)出席工聯會工人醫療所成立社區藥房開幕禮致詞時仲發生意外添!
佢致詞期間,個咪架懷疑扭唔實,突然極速下降,支咪仲要向上彈起添!陳肇始當堂嚇到花容失色,一度想整番高個咪架,但又整唔到,在場嘅工作人員幫佢整番好個咪後,佢才繼續致詞。其實嚇親唔緊要,遇啱個場地係喺醫療所,有齊中西醫,不如搵個醫生把吓脈、定吓驚?