每日一片：直擊泊車泊足1分鐘　最後仍然...

泊一次車，要多少時間？近日網上熱傳一條短片，一輛白色私家車在元朗嘗試泊在街邊，惟未知司機是否新手，他屢試屢敗，多次褪來褪去，最後仍是失敗告終，更撞上前方一輛灰色私家車車尾。網民狂嘲涉事司機：「都係唔好揸車，搭車啦！」

據Fb專頁「HongKong CarCam」上載的車cam片所示，事發於本月8日中午約12時，地點為元朗建業街。影片剛開始，白色私家車緩緩褪後，但似乎未能找到適合位置，只好重新駛向前，調較位置。其後該車3度前後來回，終於開始駛貼路邊，司機繼續調較位置，可惜未能如願，最後更撞上了前車的車尾。拍片者一度大笑，並戲謔稱：「學識都冇用啦你！」

網民亦質疑涉事司機「個牌係咪淘番嚟」、「點解咁都考到牌」，甚至有人直斥：「呢啲人完全冇方向感，根本就唔應該揸車，簡直害人害物。」有人質留意到，其實事發地點路邊位置十分寬敞，「其實直接駛入去都得」，「呢個位都泊唔到，點解仲要揸車辛苦自己？」