政Whats噏：教協總幹事唔撈　葉建源前助理坐正

曾經喺綠色和平工作嘅教協總幹事馮家強早前已請辭，準備明年重返綠色和平，而佢嘅接任人就係立法會教育界議員葉建源的前助理、教協副總幹事沈偉男，明年1月16日履新。

馮家強喺今年11月提出請辭，並獲得接納。經過一個月嘅招聘，教協今日(19日)公布，委任沈偉男為新一任總幹事。沈曾經出任民間團體幹事、中學教師等，過去一直積極推動教育、人權等社會議題。據了解，是次招聘有唔少人參加，有教協人形容係「高手過招」，最終決定由沈升任。

教協會長馮偉華話，沈年輕實幹，對社會有承擔，相信憑對方喺教協內外嘅工作經驗，可以令教育界同工繼續團結，爭取社會公義同教師權益。