政Whats噏:法國冇薑蒜賣? 黃家和元朗入貨

20181220
東網電視
更多新聞短片
黃家和手上抽住好多嘢,包括一袋乾腐竹,成個街坊咁。(黃家和fb)
香港餐飲聯業協會會長黃家和(Simon)日前擺咗張「打卡相」上Facebook,相中嘅佢手上抽住好多嘢,包括一袋乾腐竹,成個街坊咁,原來佢去咗元朗行街市,途中遇上政府推廣綠色旅遊嘅宣傳車,於是打個卡攞埋免費環保袋喎!至於腐竹係打算用來煲糖水。咦?唔通元朗有隱世靚腐竹賣?
Simon解釋話,自己好鍾意去元朗行街市,差唔多每個星期六、日都會去一轉,因為覺得當地好有人情味同親切感,而且仲可以順便睇埋啲食物價格,了解行情。至於平時買咩多?佢就話通常買吓生果、醬料同雲吞,有時仲會特登去買生薑同蒜頭之類帶返法國,因為佢住喺法國自家酒莊,好難買生薑同蒜頭喎。