政Whats噏:四線齊冧罰太少 梁美芬叫加倍

20181220
東網電視
更多新聞短片
梁美芬話港鐵被罰800萬並唔足夠。
港鐵尋日(19日)宣布就今年10月四線「齊冧」罰款800萬港元,唔知你覺得夠唔夠?立法會議員梁美芬就話唔夠喇!佢今日(20日)喺Facebook拍咗段短片,話自己都係四線齊冧嘅受害者,當日搭唔到車,惟有由太子行路去九龍塘開會,非常不便,認為四線齊冧對交通嘅影響實在太大,所以若然壞多過一條線,罰則就應該加倍。
佢仲話,按目前嘅罰款計算方式,其實係冇足夠阻嚇作用,認為應該檢討制度,將罰則加倍,指市民最想見到嘅其實唔係港鐵被罰,而係喺事故發生嘅時候,可以做好啲應變措施,例如安排接駁巴士疏導乘客,咁睇嚟如果港鐵唔做番好啲應變措施,罰幾多錢市民都唔會覺得夠喇!