自食其果？私家車硬走「回頭路」　結果…

荃灣有私家車駛出迴旋處時，疑似行錯路，竟然使出一記「回馬槍」，幸後車司機及時反應，始避過相撞危機。

從Facebook群組「馬路的事討論區」的影片可見，周四（20日）下午近5時半，有黑色私家車沿荃灣路一迴旋處行駛，並在海興路出口準備駛出。惟司機疑突然驚覺行錯路，即時重煞，急切回迴旋處外彎，期間左邊前後車胎直剷上石壆。

尾隨的司機未料到私家車的「回馬槍」，大嚇一驚，幸能及時煞停車輛。事後他嘆道：「一家三口差啲被KO」。

不少網友大鬧私家車：「點解咁執着，一步都唔肯行錯」、「唔熟路兜錯，咪搵下個路口囉」，又有熟路的網民指：「呢個位行錯，可以行青山公路，出番屯門公路」。

---------------

《港呢啲》：大事小事騎呢事，東網嚴謹選題，輕鬆製作！