網民熱話:魚獲當狗拖行 釣魚友遭「圍插」

20181221
東網電視
更多新聞短片
男子正在地上拖着一條大魚,並指自己放狗,惹起網友不滿。(短片截圖)
有釣魚人士將釣起的大魚「當狗拖」遭釣魚友「圍插」。有網民上戴短片,一名男子正在地上拖著一條仍活生生的大魚,之後笑稱在放狗,雖然最終將大魚放生,但有釣魚友稱,魚類很容易因為小傷口死亡,拖魚等同虐待動物,呼籲其他釣魚友切勿模仿。
網民Smith Wong在《魚癡魚醉 香港釣魚新手討論區》Facebook專頁上載兩段短片,首段短片顯示,一名男子正在地上拖着一條大魚,期間傳來聲音,「你放狗呀?」拖魚男即回應指,「係呀,我隻狗小雄呀!」二人在哈哈大笑。另一段片則顯示,拖魚男在地上拖着另一條較細的魚,笑說自己是放老虎狗,二人最終將兩條大魚放回大海。據知事發地點為海外。
Smith Wong謂:「睇完條片,心裏面好唔舒服,釣魚,攞魚,食魚都唔係問題,但係點解要咁樣對待條魚呢?表面就放生魚獲,實質就虐待拖行魚獲,咁樣係虐待動物」。又指:「有養過魚嘅朋友都知道,魚類係好容易因為小小嘅傷口,而受感染死亡,所以希望大家千祈唔好有樣學樣。」
拖魚男的行為立即惹來釣魚友「圍插」,有人指他不知所謂、「人渣,仲要係人哋嘅地方,影衰香港人」、「定(掟)佢落海就差唔多!」「佢食你餌你釣到佢!要斬要放聽隨尊便!但係有無必要咁樣侮辱生命!」
網民有話說:
Au Chi Pang:身為釣魚人之恥!
Leon Ricky:它(他)朝君體也一樣!
Au Chi Pang:釣界之恥!
景文:生命何辜,尊重對手
Ka Nap Tsoi:究竟咩心態?唉!
※緊貼網民熱話,掌握最熱話題,請關注網民熱話fb: