神反應！的士為接客急U-turn　後車歷生死3秒

為求接客，的士可以有幾眼明手快？近日有的士見到有途人截車，急急掉頭，差點與尾隨的車輛相撞，情況驚險。

片段上傳至Facebook群組「的士司機資訊網 Taxi」。從畫面所見，星期五（21日）清晨近5時，一輛的士在石圍角路上斜行駛，疑因有途人在對面線伸手截車，的士亮起死火燈後，忽然橫越雙白線掉頭。

隨後而至的司機驚呼一聲，即時響按急煞，並扭軚至對面線，避過相撞。他斥道︰「哇！你傻㗎真係。呢啲人真係黐線㗎…我撞到佢，佢大鑊喇真係」。

不少網民斥道︰「好多唔X望就U-turn」、「係我就撞佢，佢輸晒」。有網民則提醒︰「學車師父教落，前面有的士，除咗留意佢，仲要留意路邊有冇人遞手」、「佢好早打咗死火燈，開夜更好多呢啲情況」。

---------------

《港呢啲》：大事小事騎呢事，東網嚴謹選題，輕鬆製作！