政Whats噏：EQ生日扮天使　一家去杜拜旅行

生日最緊要係氹自己開心，立法會議員葛珮帆(EQ)今日(23日)生日，佢喺社交網站貼咗張喺玻璃窗前影嘅相，窗上畫咗一對彩色嘅翼，佢企喺窗前就好似天使咁，佢仲問大家對翼靚唔靚添。

EQ話，呢度係杜拜最高大廈嘅124樓，佢一落機就過咗嚟扮天使嘞，生日終於放假，最開心嘅禮物就係一家人陪媽咪去杜拜旅行，覺得感恩同珍惜。佢話，去杜拜係媽媽揀嘅，因為覺得嗰度唔凍，自己去杜拜開會就去過好多次，純玩就真係第一次，仲大讚呢幢大廈1分鐘就上咗124層，超靜同超快咁話喎。