網民熱話:聖誕功課多到爆 家長大嘆仔女冇假放

2018年12月24日 19:27
東網電視
更多新聞短片
有家長在網上大呻,子女聖誕功課過多,等同「冇假放」。(互聯網)

香港學生讀書壓力大,假期功課多到數唔晒!有家長在Facebook大呻,其就讀小學六年級的小朋友,聖誕及新年假期功課超過20份,當中以英文科功課數量最多,手冊亦不夠位寫。照片上載後,引起不少家長共嗚,留言表示自己的子女同樣有很多假期功課,「所謂假期,都不是給學生開開心心放假 !」

有網民日前於「不願小朋友成為功課奴隸」的Fb群組上載兩張小學生假期功課列表,並留言說:「假期功課,多到一格寫唔晒,要寫埋落下一格。老師嘅意思係『假期』係假嘅,千祈咪以為自己放緊假,加油呀各位同學!」從列表可見,功課數量多達二十多份,其中中文科佔5份、英文科佔11份、數學科佔7份,而視藝及普通話科亦各有1份。

列表一出,即有不少家長紛紛列舉子女的功課數量。有家長指早已安排外出旅行,「都唔知嗰堆唔係抄寫的功課點可以三日完成」、「所謂假期,真係出現雙倍或三倍假期功課」。

而其中一項功課「讀《三國演義》」成為家長的討論話題,有人坦言:「唔係個個都鍾意睇三國,點解唔可以睇自己鍾意嘅書?」亦有人提議老師安排學生玩相關的手機遊戲,相信吸引力會大增。

網民有話說

Liz Tam:十幾廿樣功課,太多了吧…小朋友是不是P.5/6?可能因為呈分試關係,學校更加pushy(催逼)…加油吧

Fanny Lee:我哋聖誕後考試,都有功課,有啲係溫習紙,其實嗰啲溫習紙唔係應該早啲做咩?佢哋做完唔識老師可考試前再補補,依家假期先嚟做,即係想我哋家長跟啦

Wong Agatha:放假又無話畀你哋學生放嘅,我哋老師放之嘛!

※緊貼網民熱話,掌握最熱話題,請關注網民熱話fb:
http://on.fb.me/1L3m1ro