粉嶺高球場若獲保育 林筱魯:唔代表可千秋萬世

20181225
東網電視
更多新聞短片
擔任古物諮詢委員會主席6年的林筱魯將於本年底卸任。(馮淑環攝)
保育及城市發展向來是一場角力戰,土地供應專責小組月底將公布粉嶺高爾夫球場的未來發展,各界關注高球場的去留。擔任古物諮詢委員會主席6年的林筱魯即將於本年底卸任,他接受東網專訪時表明一直堅持「冇嘢係唔使保育」的原則,但他相信即使高球場通過保育,亦不代表可以千秋萬世,「就算評定為一級(歷史建築),能否逃過建屋嘅命運仍屬未知之數,最難嘅決策都需要政府決定」。
香港哥爾夫球會早前去信古諮會,要求將整個粉嶺高球場評為一級歷史建築,力阻球場改建房屋,古蹟辦正審視有關建議,再經評審小組提出擬議評級。林筱魯指高球是英國人早期帶入香港的體育運動,粉嶺高球場一直維持至今,其歷史價值不具爭議,「你話唔打高球,價值係咪相對低?呢樣好個人,等如由細到大冇入當舖,但唔等於當舖嘅價值唔喺度,坊間評議時應客觀討論」。
規劃師出身的他直言明白城市發展的壓力,「如果係房屋用地考慮,冇其他選擇可以即時供地,唔考慮歷史同生態價值,咁就唔係從歷史保育價值出發,咁樣都唔能夠話錯」。
任職主席6年期間,林筱魯指印象最深刻的是港鐵沙中線土瓜灣站(現稱宋皇臺站)發現大批包括宋元古井的歷史文物,因涉及多個層面,而且極具複雜性,是香港首次在大型基建項目上發現大批文物,「要同好多部門溝通,亦要向公眾解釋」。保育無可避免令工程延誤,「當時劃線指工程要滯後11個月,之後任何延誤都唔應該拉上關係,因為唔想市民驚咗保育,覺得保育係阻住地球轉」。
由委員到主席,林筱魯已擔任12年相關職務,卸任後他會花更多時間在鄉郊保育工作上,未來若再獲邀出任房屋、土地及文化相關公職時,他會樂意考慮。