網民熱話:女司機不滿被指漏油勾車 粗口贈警員

20181225
東網電視
更多新聞短片
有女司機不滿警員勾車爆粗,有關片段在網上流傳。(《巴打絲打Facebook Club》)
繼有村長兼區議員不滿警員抄牌諸多阻攔,近日又有市民不滿被警員「勾車」,指其汽車引擎漏偈油,與警員發生衝突,期間更以粗口「回敬」警員,被警員神回「尊重自己人格」,短片被上載互聯網,引起網民熱烈討論,有網民認為,警方執法有理,亦有網民指看不到車輛有漏油,認為事件應有前傳。
片段上載於《巴打絲打Facebook Club》,片長約10分鐘,兩名交通警員疑在藍地一個油站旁執法,向一名女司機稱,懷疑其駕駛的私家車有問題,要求對方熄匙及打開車頭冚,接着稱「你架車不適宜在道路行駛,因為你架車引擎漏油,會引致危險及火警,對道路其他人士亦有危險,你清唔清楚?」另一警員則稱,稍後會將車輛交予驗車官進行驗車(俗稱勾車)。
期間,女司機用手機拍攝兩名警員,警員着女司機「企開少少」,女司機則叫警員「你唔好特登行埋嚟」,雙方發生爭論,接着警員稱,「你同差人嘈無意思,大家唔好浪費時間」期間女司機拍攝自己的車輛,質疑警員指其車輛漏油非事實,「漏油喎?」之後又以粗口大罵警員濫用職權,連珠爆發後,警員則神回「講呢啲無意思,尊重自己人格,唔好無理取鬧!」
有網民回應指, 「呀(阿)蛇(Sir)做得好,保障其他道路使用者安全!」另有網民稱「好在個警察早發現,如果唔係世界沒(末)日,一架車爆炸,爆埋第2架,第2架又爆第3架,爆下爆下爆X死晒個地球!」不過亦有網民稱「邊度漏?」「 睇片又唔多覺有油!」另有網民指「神探,連車頭冚外都可睇到漏油,呢D呀(阿Sir)先叫利害!」
網民有話說
Mable To Car Chong:有冇諗過雙方都有問題?唔想被抄唔揸車,咩事都冇
Lou San Kam:初頭睇覺得個女人串,但睇落去又搵唔到漏油,搞咁大壇嘢吃力不討好, 冇意義!
Kevin Yuen:漏偈油都要勾?求上集!
Atman Cheung:專家未有意見,佢(警員)就話人地(哋)漏油!
※緊貼網民熱話,掌握最熱話題,請關注網民熱話fb: