政Whats噏：避過再坐監　周永康英國碩士畢業

學聯前秘書長周永康喺2014年有份衝擊俗稱「公民廣場」嘅政府總部東翼前地，其後終審法院今年初判佢緩刑一年，毋須入獄。周永康尋日(25日)喺社交網站貼出一張畢業相，背景係英國倫敦政治經濟學院，並貼文指「終於戴到帽」，相信係佢修讀城市設計及社會科學碩士畢業。

翻查資料，「雙學三子」黃之鋒、羅冠聰及周永康喺2014年9月衝擊「公民廣場」，其後被裁定非法集結等罪成立，分別判社會服務令及緩刑，律政司及後提出刑期覆核，3人被改判入獄6至8個月。

周永康其時正於倫敦政治經濟學院修讀碩士課程，一度無法繼續留學，校方曾發聲明指會向他提供協助，讓他盡快完成學業。直至今年初，終審法院裁定三人上訴得直，恢復原審判刑，即三人毋須入獄。