網民熱話:大媽狂摷捐贈衣物 擸走兩袋戰利品

2018年12月27日 17:47
東網電視
更多新聞短片
兩名女子在救世軍門外大摷特摷,最終持兩大袋物品離去。(互聯網)

有市民不時會將舊衣物捐贈慈善機構,幫助有需要人士,但有人看準時機,乘機偷取衣物。有網民於聖誕假期間,發現兩名大媽在柴灣一間慈善中心外疑偷取放在門口,市民捐贈的衣物,並將照片上載網上,事件公開後,不少人留言指其他地區都有類似情況,斥偷衣者行為「衰過乞兒」。

網民Lai Wing Sze於聖誕節當日(25日)在「柴灣人柴灣事」Facebook專頁上載3張在漁灣邨漁安樓地下救世軍外的照片,並留言說:「大家以後唔好紅色假期捐嘢去救世軍,救世軍逢紅假唔開,星期日開兩點。經過見到兩個女人喺度摷嘢,重要攞埋人哋裝衫個紅白藍袋,將裏面嘅衫倒晒喺地,我哋出聲話佢照攞。」相中可見,衣服被傾倒在地上,而另一張照片則是兩名女子手持兩袋物件離開。

不少網民看過貼文後,紛紛指其他地區亦有同類事件。「筲箕灣嗰間救世軍都係咁畀人攞」、「西環都係咁樣」、「小西灣個衣服回收箱都經常有人摷」。雖然兩名女子被網民斥「做法衰過乞兒」,但有人亦補充,「放喺門口嗰啲人都唔好得去邊,當人哋門口係垃圾桶咩?」、「救世軍都有張貼過通告叫大家唔好喺未開店時捐嘢,同埋有貼警告話咁樣執嘢係等同偷嘢」。救世軍發言人曹小姐回覆東網表示,感謝市民熱心幫助社會上有需要的人,並呼籲市民於救世軍家品店營業時間內捐贈物品。

網民有話說:

Kaddy Lo:呢啲人真係賤格

Kaikai LO:不問自取是為賊也

馮思敏:如果佢有需要的話,攞都不要搞到周地亂七八糟

Kaikai LO:睇吓睇吓又真係好乞兒囉!倒晒人哋啲衫落地攞個袋,邊有咁X衰㗎!

※緊貼網民熱話,掌握最熱話題,請關注網民熱話fb: 
http://on.fb.me/1L3m1ro