無妄之災！倒楣車遭放飛劍　頭冚慘留刮痕

私家車泊在街旁，竟亦招惹無妄之災？近日元朗有車輛遭人亂吐口水，車頭更離奇出現刮痕，到底發生甚麼事？

據Facebook群組「PLAY HARD 玩硬」的影片所見，周四（27日）晚上11時許，有私家車停泊在元朗水車館街，一名紅衣少年手持手機，突然從路旁走向車頭，五指合成爪狀，在車頭蓋上掃了一下。

他低頭查看一會後，便轉身離去。未幾少年又再折返，向私家車作出疑似吐口水的姿態，再向前方的貨Van故技重施，始施施然離去。

受害私家車車主怒斥︰「你吐我架車口水做乜X嘢呢？如果我泊得衰，你咪報警拖我車囉！你係咪覺得自己好X型？」又指已就事件報警求助。

不少網友留言大鬧少年：「佢係咪痴線㗎」、「聽晚捕佢啦」，但有人指車主或有錯在先：「首先要舉報自己違例泊車」。

---------------

《港呢啲》：大事小事騎呢事，東網嚴謹選題，輕鬆製作！