避塞車女司機駕Mini剷行人路　途人嚇煞大罵離晒譜

「好趕時間咩？撞到人點算？」昨日(28日)下午2時許，一名中年女司機駕駛一輛Mini Cooper私家車途經荃灣灰窰角街，因前面有一架貨車停下上落貨，未有即時駛走，心急女司機眼見前方有數架車「塞住」，未有等車龍疏導，竟貪快鋌而走險，強行將Mini Cooper剷上行人路爬頭超車，把行人路當馬路，期間車身與多名途人擦身而過，險象環生。

東網讀者昨駕車途經灰窰角街時目睹上述情況，他指當時有數架客貨車、的士在涉事Mini Cooper前方，其他司機都耐心等候貨車駛走，唯獨駕駛Mini Cooper的女司機不顧一切剷上行人路離開。他形容：「當時有唔少行人，仲有老人家，架車就咁剷上行人路，好危險！」多名途人慌忙躲避，並大罵：「離晒譜，快啲停低。」但女司機無視各人，絕塵而去。

根據《道路交通條例》，司機若貪一時之快而將車輛剷上行人路，有機會被控危險駕駛，首次被定罪，最高可被判罰監禁3年、罰款2.5萬港元及停牌最少6個月。