政Whats噏：譚文豪小李飛刀甩手　?爛月曆

「難得一身好本領，情關始終闖不過，闖不過柔情蜜意，亂揮刀劍沒結果……」古裝武俠劇嘅主題曲《小李飛刀》，相信唔少人都有聽過，但又有無人見過？立法會議員譚文豪(Jeremy)最新搞作，用「小李飛刀」拍開箱片。咪睇佢做機師官仔骨骨似無乜力，揸起刀上嚟都有啲架勢！

Jeremy日前喺社交網站上載短片，由佢親自同大家開箱睇今年嘅飛行月曆加植入式工作報告。為咗拍呢段片，佢聲稱已上網搜羅咗好多唔同嘅方法開箱，兼且為隆重其事向「小李」借咗把飛刀，佢先喺正面劏一下，最後再用力「喝」一聲橫劏個箱。點知氣勢如虹嘅佢，甩手?爛咗第一本月曆，惟有以笑遮醜，話呢本係特別版喎。

飛行月曆入面每個月都配有一張飛機相，同埋每月都有一項工作報告，Jeremy更呼籲大家必定要睇9月，皆因張相係佢操刀。至於靚唔靚呢？就留待大家評價嘞！