阿媽衝燈一味跑 懶理細路後面追 司機驚砵急煞

2019年01月10日 13:00
東網電視
更多新聞短片
返學唔使搵命博嘅。

廣告都有話︰「馬路如虎口,小心咪亂走」。但近日西灣河有家長帶同小朋友相繼衝出馬路,險釀悲劇,惹來網民怒斥︰「有冇搞X錯呀」。

據Facebook群組「小心駕駛(討論別人駕駛態度)」的影片可見,星期四(10日)上午7時許,有男子在海寧街正施施然橫過馬路,惟當時行人燈號正亮起紅燈。

有背着書包的女子緊隨其後,急步衝出馬路。其時有車輛直駛而至,該女子頓時站在馬路中心,轉身喚後方跑至的孩童,一手拉住他急匆匆過路。

嚇出一身冷汗的司機幸及時停車,事後嘆言︰「個小朋友係無辜的…趕時間唔係望都唔望,燈都唔理,照衝可也,大車真係未必停得切」。

網民紛紛指摘:「個老媽子腦有事」、「根本唔係拖實,仲要自己領頭衝出馬路,仲唔知錯遲早一鑊」,亦有人猜測:「應該係追巴士,睇嚟部巴士仲緊要過自己個仔」。
---------------
《港呢啲》:大事小事騎呢事,東網嚴謹選題,輕鬆製作!