政Whats噏：息影女星之子韓世灝　任新民黨副主席

建制派政黨新民黨今日(10日)宣布委任息影女星汪玲長子、曾任樂善堂主席嘅韓世灝為副主席。該黨主席葉劉淑儀透露，韓早喺2011年已加入，係資深黨員，仲讚揚佢有領導同商業才能，經常往返世界各地，相信佢可以幫手壯大新民黨。

目前新民黨副主席有公民力量召集人潘國山、立法會議員容海恩，加埋韓世灝就由2人增加至3人，未知具體分工上會有咩改變，不過韓就話會善用佢多年跨國營商同投資經驗，同埋國際人脈、宏觀國際視野等去幫新民黨發展咁話。