政Whats噏：楊岳橋甩轆翌日　公民黨前執委退黨

公民黨立法會議員楊岳橋日前喺立法會上甩轆，因為「關鍵缺席」導致冇得提出議員議案。喺甩轆事件後一日，公民黨前執委陳宇明尋日(10日)向黨內提出退黨申請，並於今日(11日)獲確認。陳回覆查詢時話，考慮咗一段時間先決定退黨，而且同楊無關。

陳曾參加2016年特首選委會選舉，當選資訊科技界選委。佢話喺反思過後，希望喺資訊科技界同埋社運界發展，再加上工作繁忙，所以覺得需要休息，決定退黨。

過去陳亦曾代表公民黨參與2015年區議會選舉，出選觀塘栢雅選區，原本計劃出戰今年嘅區議會選舉，考慮落戶又一村選區。依家喺區選前決定退黨，佢就話暫時未有計劃參選。