網民熱話:為「超齡」子買學生飛 大媽辯稱不知違規

20190112
東網電視
更多新聞短片
大媽兒子(左)的身形與港鐵職員(右)相若。(互聯網)
又一內地大媽搭港鐵「偷雞」幫仔買學生票價,遭港鐵職員斷正後「賴皮」辯稱不知違規。有網民昨(11日)在Facebook專頁「香港台灣齊聲要求減少自由行/大陸旅客」發布影片,稱日前在上水站目睹一名內地大媽幫「牛高馬大」兒子購優惠車票入閘,當場遭港鐵職員發現,大媽初時苦苦哀求聲稱不知要買成人票,期間更一度「發爛渣」,但港鐵職員未有退縮照開告票,大媽最終須繳交500港元罰款。
發貼網民稱,當日途經上水站時,內地客人山人海,代購加水貨客遍布港鐵大堂,期間見有內地大媽違規幫兒子買優惠票搭港鐵斷正。該網民形容涉事的男孩「已好高好大隻」,明顯是需買正價飛。影片所見,該男孩身高與港鐵職員差不多,相信已「超齡」,大媽不斷辯稱其兒子還是學生。
期間有不相干的內地人加入幫大媽出頭,狂罵港鐵職員,網民形容該職員「好專業,一於唔理大媽講咩,開罰單,片段完後該大媽乖乖地畀了500港元。」不過該網民其後又見到一對年約20歲的內地男女亦是同樣情況,「但只係畀咗100港元。原來港鐵係容許14日內付埋尾數,究竟會唔會走數?」
有醒目的網民留言指:「其實香港學生都唔可以買特惠單程票,一定要申請學生身份個人八達通先有優惠。所以唔理佢香港人定大陸人,總之12至64歲用特惠單程票就要罰。」有網民更怒斥該行為根本等同「逃票」,應該報警。
網民有話說
Vivian Li:成日都話不知道不知道,佢地(哋)不知幾醒就真啦!
Mike Law:大陸人唔係話自己好有錢咩!哩d(啲)都慳!??
Mei Sum Won:又話不知道但係又識買八達通優惠真係醒目走數到最叻?
Terry Suen:唔畀咪交畀警方處理。
Kc Kwan:十成走數。
※緊貼網民熱話,掌握最熱話題,請關注網民熱話fb: