政Whats噏：朱凱廸全軍覆沒　何君堯險勝鄉郊選舉

新一屆鄉郊代表選舉由上星期日(6日)起，一連三個周日舉行。立法會議員朱凱廸早前聯同南區區議員司馬文等人組成「綠色鄉村約章」參選，惟全軍覆沒。至於爭取連任屯門良田村村代表嘅立法會議員何君堯則以8票之微，險勝對手。

朱凱廸等6人參加鄉郊選舉，但朱遭取消資格，而參選上水鄉嘅廖偉濂就提名不足，所以最終只有4人出戰。司馬文率先喺上星期僅取得12票低票落敗，而尋日(13日)嘅選舉中，參選北港嘅何潔儀、海下David Newbery、浪徑Herve Bouvresse都同樣落敗，其中Herve Bouvresse更係連任失敗。

至於何君堯由2011年起擔任良田村村代表，過去兩屆均無對手下自動當選，今次係何君堯喺鄉郊選舉中首次面對挑戰，最終有驚無險，以79票擊敗獲得71票嘅何多明，以8差之差壓過對手連任。

另外，上月網傳惡村長阻警入村抄牌，涉事嘅北區區議員兼粉嶺圍村代表彭振聲就以505票高票當選。