政Whats噏:羅致光IQ160 稱個腦轉得慢過田北辰

20190116
東網電視
更多新聞短片
羅致光(圖)話個腦轉得無田北辰咁快,諗唔到田嘅問題同會議有咩關係。(黃偉邦攝)
勞工及福利局局長羅致光IQ(智商)高達160,分分鐘係政界中智商最高嘅一人,不過佢今日(16日)喺立法會中,就話個腦轉得唔夠快喎,到底有咩難到佢?
羅致光就兒童發展基金接受議員質詢,田北辰就話個基金本可提高生育率,但見唔少市民唔敢生多個小朋友,大嘆政府支援唔夠,所以就追問羅致光,會否為年輕夫妻減輕生兒育女嘅壓力,向正在擬定財政預算案嘅財政司司長陳茂波建議,大幅增加子女免稅額,由12萬港元加至20萬港元。
立法會主席梁君彥就話,田北辰嘅提名偏離咗題目,將個波抛畀羅致光決定答唔答,點知IQ高嘅羅致光就話,個腦轉得無田北辰咁快,諗唔到有咩關係喎!
另外,會上有多名議員要求擴大基金,羅致光就話基金針對弱勢兒童以累積無形資產,並非純儲蓄計劃,直言擴闊至全港並非政策目標,無意延長資助年期喇。