政Whats噏:陳沛然又變身 認係民主派議員

20190117
東網電視
更多新聞短片
今次陳沛然心口再掛個勇字,以民主派牌頭參與聯署。(何天成攝)
自稱係中間派嘅立法會醫學界議員陳沛然又「變身」,試圖左右逢源?最近港府調高申領長者綜援資格至65歲捱轟,民主派議員今(17日)聯署,要求會見特首商討擱置長者綜援新安排,值得留意嘅係有26名民主派議員參與聯署,包括熱血公民鄭松泰,及向來自稱中立嘅陳沛然。
還記得去年9月底,佢聯同34名建制派議員發聯合聲明,撐政府取締主張港獨的民族黨,惟佢事後遭業界狠批背離中立原則,唔夠兩日就致歉兼跪低自行退出聲明,惹嚟建制派微言。
今次陳沛然再次心口掛住個勇字,以民主派牌頭參與聯署,若然再遭業界及網民非議,佢會唔會又極速退出,以保自己中立嘅光環呢?