每日一片:P牌褪後泊位撞跑車 網民:呢個拉花好貴

2019年01月19日 14:02
東網電視
更多新聞短片
P牌司機為跑車「拉花」,令不少網民為其擔心賠償金額。(Facebook專頁「馬路的事討論區」影片截圖)

P牌司機駕駛經驗少,故此不少駕駛者都會避之則吉,不過有些情況,可說是避無可避。一架P牌車昨日(18日)晚上,在尖沙咀後褪停車時,疑未留意路面情況,結果撞向一輛剛駛至的名貴跑車車身,估計已狠狠在跑車車身「拉花」。不少網民都對P牌司機遭遇大表同情,形容「呢個拉花好貴」。

現場是尖沙咀廣東道,事發於晚上10時半,由於現場交通頗為繁忙,不少車輛停在路邊都要兩線停泊。片段開始,一輛掛中港牌的7人車剛駛走,前面一輛掛有P牌的私家車司機見機不可失,開動後波緩緩駛入,不過P牌司機似乎專注泊位,未留意左邊行車線一輛白色名貴跑車正駛近,當他向後褪並扭軚泊入時,車頭剛好撞向跑車車身。事發後,雙方一度在車上「僵持」,未幾,P牌司機突然再度褪後,結果再度與跑車發生碰撞,私家車在跑車車尾擦過,估計跑車無可避免變「花面貓」。

不少網民對P牌司機的遭遇都深表同情,「很貴的一課」、「賣咗部車都貼唔起」,不過亦有人認為P牌司機行為鹵莽,「成日話P牌無膽色,我就覺得似膽大包天」、「我睇住佢撞咗之後仲入後波,嗰下都O咗嘴」,更有人揶揄:「經驗係用錢買番嚟!」