政Whats噏:戲曲中心開幕 離任連納智回港見證

2019年01月20日 19:51
東網電視
更多新聞短片
連納智話西九文化區係佢嘅BB,未能工作至戲曲中心開幕都有少少唔開心。(梁家寶攝)

西九文化區管理局前行政總裁連納智數年前因為健康理由及要照顧患病嘅太太,提早一年辭職。連納智今日(20日)現身西九文化區戲曲中心觀賞開幕戲目,他話自己嘅健康OK,笑指仲企得到,今次特登嚟睇戲曲中心開幕戲目,形容返嚟西九感覺好奇妙(fantastic)。

佢話,自己依家仍住在悉尼,今次已嚟咗香港幾日,除咗嚟戲曲中心,仲去過大館,將於下周二(29日)離港。佢話西九文化區係佢嘅BB,未能工作至戲曲中心開幕都有少少唔開心,但呢個係大項目,自己有份參與其中已好開心。

西九文化區戲曲中心今日正式開幕,係文化區內首個地標式表演藝術場地,開幕劇目演出前舉行咗開幕典禮,為已故國學大師饒宗頤親筆題字嘅「戲曲中心」舉行揭幕儀式。西九文化區管理局董事局希望,戲曲中心日後可以推廣傳統中國戲曲文化,培育新演員,吸引新觀眾。